我毋是刁故意

作詞：黃如琦     作曲：黃如琦

寄袂出去的一張批 猶原囥佇屜 仔底
內底寫著我無講的話 還有真濟的歹勢
講袂出喙的彼句話 猶原囥佇心肝底
毋知你這馬過了好無 是毋是有人咧互相照顧

我毋是刁故意欲來愛著你 嘛毋是刁故意欲佮你分開
是愛情本來就無啥物道理 是時間予我學會曉理智
我毋是刁故意欲來愛著伊 嘛毋是刁故意欲佮你分開
咱的愛親像出毋著時的果子 猶未甘甜酸溜滿喙 就離枝

多謝你這段時間的關心 總是看著我的好
你總是愛我學予較自私 毋免管待別人按怎想

我毋是刁故意欲來愛著你 嘛毋是刁故意欲佮你分開
是愛情本來就無啥物道理 是時間予我學會曉理智
我毋是刁故意欲來愛著伊 嘛毋是刁故意欲佮你分開
咱的愛親像出毋著時的果子 猶未甘甜酸溜滿喙 就離枝