為著一百萬

作詞：     作曲：

無影無跡 一時一刻 招我做妳的翁和妳生囝
啥物我是妳熟識上讚的羅漢跤 有氣魄有叫小 堂堂男子漢
你講輸人毋輸陣 輸陣歹看面 叫我先匯五十萬作聘金
煞咧恁母仔開刀 恁阿嬤車禍 講甲喙角全全泡
我手攏無牽著 面嘛無見著 干焦聽著妳敲電話來司奶
叫我男主角 叫我親愛的 我聽甲茫酥酥
強欲擋袂著 閣予妳五十萬
喔喔喔喔 妳這个歹查某
予妳騙甲踅玲瑯
喔喔喔喔 （哼）妳這个歹查某
緊還我一百萬
我欲揣律師去告官府 律師罵我頭殼破一空無藥醫
講我激怐怐 袂記得穿內褲 嘛愛記咧甲頭殼囥佇身軀
毋通攏用跤頭趺咧思考 毋通攏用跤頭趺咧思考
喔喔喔喔 妳這个歹查某
予妳騙甲踅玲瑯
喔喔喔喔 （哼）妳這个歹查某
緊還我一百萬
喔喔喔喔 妳這个歹物仔
予妳迷甲頭殼悾悾
喔喔喔喔 妳這个歹七仔
緊還我一百萬
無情的社會 走跳遮濟年 想欲揣一个牽手過日子
想袂到去拄著妳 講啥物欲愛我一萬年
原來攏是為著錢 原來攏是為著一百萬