歌詞

錯誤回報

專輯:妖魔鬼島大作戰 (Ghost Island at War)
歌曲:超級機歪人大戰
作曲:火燒島 Burning Island
作詞:呂鴻志

破 網也破 壁也倒 解放的鬼島人向前開路
破 網也破 壁也倒 機歪人的大軍全面出動
臭酸的大雨直落落來 烏暗的暝染無色彩
無彎角的路 若走若喝若呼伴
三步做兩步往頂高行 控制著阮的敵人就佇遐
風安怎吹雨安怎淋 無啥會當擱阻擋你我

對抗 車拼 橫直就一條命
團結 輸贏 為著尊嚴的性命
對抗 車拼 橫直就一條命
團結 輸贏 為著尊嚴的性命

伊對四界殺氣騰騰包圍過來 抓起鐵網警告莫擱烏白亂來
幾落發銃子削過皮肉 嘴猶未合就已經倒下

對抗 車拼 加加就一條命
團結 輸贏 性命何必著尊嚴
對抗 車拼 加加就一條命
團結 輸贏 性命何必著尊嚴

講這好聽 我看伊是傷過看會起家己啊
啥物理想 啥物意志 對頭殼共擊落去就空啊


踏過滿地的碎石佮玻璃 鐵鉤佮刺網擱咬著身體
伊一排一排舉著棍仔擋著去路 機歪人攏總掠狂
捎著就抓來摃 逃的就押來拍
佇苦痛中游擊 佇痛苦內拖磨
反擊的時陣永遠就是這馬
未來是生是死就看血流敢會凋


噴火戰車噴到屍體攏臭火凋 咱就共伊的輪框拆掉原地爆炸
鬼島的人民團結起來啊 緊啊 就欲到位啊
咱的意志愛乎山川知影 伊的壓迫就讓大海吞下