歌詞

錯誤回報

咱的社會已經破敗 敢講恁猶未了解?
這時陣就愛佮伊戰到流血流滴才會使
看袂清的未來 認袂明的世界
你敢真正乎看衰潲才甘願?

臭機歪 莫擱拖拖沙沙等人奉待
來來來 毋通掩掩揜揜看啥人先來

出來相刣 權力家己代 出來相刣 作主趁現在
出來相刣 若乎全提去 出來相刣 就愛討轉來

這蕊花乎伊擱再開一擺

伊的本名號做正二 今年拄好二十二
面對著烏雲罩霧的人生只會臭彈擱兼放屁
拍開電視坐踮膨椅 看人佇頂頭咧舞抗議
愈看愈想愈有氣 這個政府傷過超過有夠惡質

臭機歪 莫擱拖拖沙沙等人奉待
來來來 毋通掩掩揜揜看啥人先來
統治者大財團聯合起來 欲輸欲贏心肝掠乎坦橫
自由平等團結 現在毋做以後就免再期待

來!手舉高 來!捏乎絚 來!嘴拍開 來!喝出來
來!手舉高 來!捏乎絚 來!嘴拍開 來!喝出來

出來相刣!

來!手舉高 來!捏乎絚 來!嘴拍開 來!喝出來
來!手舉高 來!捏乎絚 來!嘴拍開 來!喝出來

臭機歪 莫擱拖拖沙沙等人奉待
來來來 毋通掩掩揜揜看啥人先來
統治者大財團聯合起來 欲輸欲贏心肝掠乎坦橫
自由平等團結 現在毋做以後就免再期待

既然咱攏已經來覺醒 喝久也想欲飲滾水
休睏一下毋是不可以 只是千萬毋通失注意

倒咧棉床頂 拍一個哈唏 連鞭隨睏去