烏暗音樂會

作詞：武雄     作曲：王俊傑

編曲：陳致祺

烏目鏡 烏西裝 烏色的鋼琴 烏色的薩克斯風
暗光鳥 暗眠摸 暗頭仔六點 做伙來搧東風

歡迎來到 烏暗音樂會 烏天暗地 逐家凊彩坐
一杯烏咖啡 一泡烏龍茶 我是烏狗兄 你是烏貓姊

請你目睭瞌瞌 咱用歌聲來交陪
我唱烏 你唱黑 我唱烏烏 你唱黑黑 我唱烏烏烏 你黑黑黑
烏暗的世界 請逐家來這坐

烏目鏡 烏西裝 烏色的舞台 烏色的麥克風
暗光鳥 暗眠摸 暗時仔九點 暗爽會著內傷

歡迎來到 烏暗音樂會 烏矸仔貯豆油 齣頭有夠濟
一支烏吉他 一支烏鼓吹 快樂的歌聲 咱來唱規暝

請你目睭瞌瞌 咱用歌聲來交陪
我唱烏 你唱黑 我唱烏烏 你唱黑黑 我唱烏烏烏 你黑黑黑
烏暗的世界 色彩是有夠濟
我唱烏 你唱黑 我唱烏烏 你唱黑黑 我唱烏烏烏 你黑黑黑
烏暗的世界 原來是遮美麗