無題

作詞：維 尼     作曲：拍謝少年

我想你已經知影彼兩天，我是決心離開莫閣越頭盼望
是你的執癖，予我袂喘氣啊
咱的生活走精恬恬跋落無聲
是我堅持欲走，你著莫閣姑情
想你講進前的日子，是天星閃爍啊
較早是黏黐黐，啊這馬生份滿滿
扶著我的心肝憂悶遮爾重

是好天氣，做伙散步去
是好天氣，咱做伙散步去
親像開始的時，你講你一定愛去
今仔日又夢醒，輕聲落目屎滴
落雨的暗暝

你那會目箍紅？你那會目箍紅紅？
過稀微的生活 ，是悲傷來強迫

彼當時，用你的批紙紀錄散場的感覺
這齣啊，予命運的風車搧落黑暗的山林
最近的我，已經是無法度，來佮你作伴

你彼段坎坷的線，著算是倔強歸工孔嘴痛
嘛會孤單恬恬看
我離開啥人照顧啊，愛慣習自己坐車提物件
但是無聊欲按怎
驚無人知，你的感覺
惜情的人啊，是一條無尾巷
愛較緊認清看破
驚無人知，你的感覺
惜情的人啊，是一條無尾巷
愛較緊認清看破