咱

作詞：曾瑋中     作曲：曾瑋中、林威旭

早就習慣 為對方個性操煩
別人欣羨咱 吵吵鬧鬧的浪漫
看起來簡單 毋知經過偌濟不安
你的溫暖 總是予我保持樂觀

人生的跤步 會愈來愈慢
我會陪你慢慢行完

咱行過的路 咱受過的傷
攏是紀念咱 每一段風雨
咱會有失落 咱會有煩惱
用辛苦交換來的快樂 才叫做幸福


心甘情願 為對方一切分擔
別人欣羨咱 平平凡凡的燦爛
無需要稀罕 真心的付出攏仝款
偌濟時間 答案永遠是永遠

咱行過的路 咱受過的傷
攏是紀念咱 每一段風雨
咱會有失落 咱會有煩惱
用辛苦交換來的快樂 才叫做幸福

這世人的時間 若無夠咱滿足
後世人咱約定 再繼續倚靠
好不好


咱行過的路 咱受過的傷
攏是刻佇咱 心肝內的力量
咱會有失落 咱會有煩惱
用辛苦交換來的快樂 才叫做 幸福