戇蝦仔

作詞：十方     作曲：方文良

有一個莊跤囡仔 無愛猜疑 只是關心
將朋友 當做自己 用義氣 點青春的燈
伊的生活有鹹有汫 提耳腔聽 用目睭看
疼世間 予咱的痛 用體諒溫暖現實 的寒

命運定定褪赤跤 理想毋知走去搭
日頭赤赤 心頭驚驚 為情為愛一隻戇蝦仔

人變化 心變卦 毋知明仔載 彼爿有啥
阮的肩胛頭 敢會命中注定 為啥人勇敢來擔
人變化 心變卦 向望有人聽到阮的聲
未來這雙手 毋通萬般拖磨 往事一疊
換目屎 兩捾

毋知一百分 生安怎 人生的紙 歲月咧寫
佮每種角色 用心來搬 天公伯愛會記得我佇遮
命運定定褪赤跤 理想毋知走去搭
日頭赤赤 心頭驚驚 有情有義一隻戇蝦仔

人變化 心變卦 毋知明仔載 彼爿有啥
阮的肩胛頭 敢會命中注定 為啥人勇敢來擔
人變化 心變卦 向望有人聽到阮的聲
未來這雙手 毋通 萬般拖磨 往事一疊
換目屎兩捾

天遮大地遮大世界 遮闊 咱攏親像戇蝦仔
佇人海 走揣幸福的影 佇世間走傱一生的命

人變化 心變卦 毋知明仔載 彼爿有啥
阮的肩胛頭 敢會命中注定 為啥人 勇敢來擔
人變化 心變卦 向望有人聽到阮的聲
未來這雙手毋通 萬般拖磨 往事一疊
換目屎兩捾

天頂雲咧趕 風沙咧喝 有你陪我
一山過 一山