歌曲

Kiss進行曲

試聽 聽全曲

作詞:武雄     作曲:方文良



(一二三四 一二三四 預備唱~)

戀愛時代 自由自在 想著心內笑咪咪
有緣的人啊 相招欲來去 散步公園邊
男男女女 雙雙對對 綿綿情話講一暝
天星咧閃爍 一再咧暗示 愛的滋味

甜蜜kiss一下 滿面紅吱吱
甜蜜kiss兩下 我嘛真佮意
吵吵鬧鬧 歡歡喜喜 情歌唱甲分袂開
這就是愛情 這就是快樂 我上愛你

(一二三四 一二三四)

戀愛時代 天大地大 人人攏愛心頭定
有情的人啊 歡喜來約會 散步到海岸
恩恩愛愛 來來去去 彎彎情路做陣行
月娘來做伴 海風來唱出 愛的心聲

甜蜜kiss一下 歹勢攑頭看
甜蜜kiss兩下 較贏用咒誓
鬧鬧熱熱 輕輕鬆鬆 情歌一人唱一段
這就是愛情 這就是快樂 你上愛我

(一二三四 一二三四 Kiss答數)
牽手 約會 散步 踅街
司奶 偷笑 Kiss 攬腰

戀愛時代 無緣無故 雄雄感覺面燒燒
有心的人啊 夢中的思慕 攏找無解藥
安安靜靜 思思念念 夜夜等待新娘轎
望伊相照顧 陪阮來行過 愛的小路

甜蜜kiss一下 心內咧偷笑
甜蜜kiss兩下 我嘛真疼惜
溫溫暖暖 永永遠遠 雙手攬著你的腰
這就是愛情 這就是快樂 喲咿喲咿喲