台三線的月光


作詞:方文良 ╱ 作曲:方文良 ╱
台語:2018.05
專輯:台三線的月光
歌手: 黃妃 & 王瑞霞 & 秀蘭瑪雅

歌詞


看著時間這班火車載咱戇戇一直行
踅過田邊 軁過磅空 揣未來希望

感謝緣份 有恁仝車做伴
風雨愈大 手牽愈絚 講 毋驚 毋驚

咱攏知影 跋倒會痛 無人了解會孤單
抑是堅持欲將生命的歌 愈唱愈大聲

你看~你看~~~

台三線的月光 照過咱青澀青春
彼時你上愛媠 你驚生份
有人為愛剪去長頭毛
是固執是單純 教咱毋認輸毋認份
相信有心拍拚的靈魂 才有才調打開 美夢的門

台三線的月光 照著咱精彩命運
這條路有偌遠 就唱偌長
就算唱甲滿面攏皺痕
是恁的噗仔聲 予咱會當徛佇遮
莫哭 莫吼 猶有真濟歌 想欲唱予恁聽
莫哭 莫吼 咱有真濟歌 敢有人想欲聽

吐槽歌詞