恁爸

作詞：張國斌     作曲：張國斌

今夜飲著最後一杯酒 夭壽喔已經兩點半
明仔透早是硬篤 的班
目睭擘金手機仔提來眼 阿娘喂已經八點半
引擎催落催落催落 一輪一百

路邊的風景仝款無變化
只有花草 一工一工大
厝頂的鳥仔 逐工唱著歌
種田的阿媽 對我講敖早

恁爸毋甘願無變化的生活 一個人的理想有偌大
向望一世人會當活了精彩 無相仝的未來
恁爸賭爛無氣魄的查埔囝 煞予家己變成這款人
手中一枝薰吐出茫茫的世界 薰著我的目睭
恁爸流目屎

下晡時仔日頭欲落山 足忝的已經袂咻矣
轉去的路 暗眠挲貓
又閣來到最後一杯酒 救人喔故事哪會攏仝款
一暝過一工 攏總相仝

恁爸毋甘願無變化的生活 一個人的理想有偌大
向望一世人會當活了精彩 無相仝的未來
恁爸賭爛無氣魄的查埔囝 煞予家己變成這款人
手中一枝薰吐出茫茫的世界 薰著我的目睭
恁爸流目屎

恁爸毋甘願無變化的生活 一個人的理想有偌大
向望一世人會當活了精彩 無相仝的未來
啊恁爸賭爛無氣魄的查埔囝 煞予家己變成這款人
手中一枝薰吐出茫茫的世界 薰著我的目睭
恁爸流目屎