老厝邊


作詞:柯大堡 ╱ 作曲:柯大堡 ╱
台語:2016.12
專輯:台客電力公司同名專輯
歌手: 台客電力公司

歌詞


喂!食飽袂?
ㄟ~還袂呢
來阮遐食飯啊!
免啦免啦,按呢共你麻煩
袂啦!咱做夥啊!
不是啦!我轉去食就好啦
嗯三八!咱家己的你是哩..

上好料毋免看功夫 來阮遐就有
食飽擱唱歌兼跳舞喔
免驚會毋捌 啊以早的朋友
開講咱厝邊 往過的故事

勇伯啊怹囝敖讀書啊 事業嘛真敖舞
牽予怹老爸啊一隻Benz喔
啊頂個月 擱起新厝
阮佇路哩相拄 笑講當初煞無人看伊有

勇伯啊!誠久毋看了呢!
蛤?啊!你轉來了喔!
wo~氣色這好!誠好誠好!
嘿啊嘿啊!啊你咧?你好否?
OK~袂賣袂賣,嘿呀。
好好!誠好誠好!
來阮兜食飯啊!做夥做夥齁!

鴨咪仔怹大姊 落尾啊嫁去洛杉磯
聽講怹翁是趁了誠濟錢喔
等一個金孫等半年啊 見無一面
賰怹老母啊佮伊底厝裡

鴨咪仔!您母啊咧歇睏喔?
你誰?
噓,莫共吵莫共吵!
喔!你轉來了哦!
下暗帶伊來阮兜食飯喔!
啊阮灶跤….
嘿!免煮免煮!先按呢!

唱咱的Melody 心涼脾肚開
老朋友來鬥陣 是歡喜啊的代誌
唱咱的Melody 心涼脾肚開
煩惱共放予去 腹內是全趣味
予咱~好過日哦

離家多年啊的關心 嘛袂走精
天下間就是台灣上惜情哦
街仔頭 巷仔尾 厝邊若親戚彼呢親
定定嘛喝欲辦一桌請你

唱咱的Melody 心涼脾肚開
老朋友來鬥陣 是歡喜啊的代誌
唱咱的Melody 心涼脾肚開
煩惱共放予去 腹內是全趣味

唱咱的Melody 心涼脾肚開
老朋友來鬥陣 是歡喜啊的代誌
唱咱的Melody 心涼脾肚開
自今仔日開始 世界的大門開
予咱~行出來去喔

勇伯啊!
蛤?
啊別人食飯飽攏咧跳舞,你擱坐佇遐?
坐相久了,跤麻…
蛤?
跤麻去矣!
按呢喔?!按呢我共你扶我共你扶。
喔!謝謝,謝謝!
行較慢,行較慢咧。
齁~險嘛袂行路!

吐槽歌詞