彼首歌

作詞：謝銘祐     作曲：謝銘祐

喊一聲 無人聽著 喊二聲 有人咧笑
歌若妝媠媠 浮佇時間的壁 等待伊 心肝振動

用啥物腔才牽會行? 海水會焦 石會爛 過外久你才想起我

陪伴你孤單 陪你哮
陪伴你談情說愛 酒醉 起痟
是我 無錯 是我 彼首歌

用啥物腔才牽會行? 海水會焦 石會爛 過外久你才想起我

喊一聲 敢有驚著 喊二聲 你才咧叫
歌若妝媠媠 浮佇時間的壁 等待伊 心肝振動

陪伴你孤單 陪你哮
陪伴你談情說愛 酒醉 起痟
是我 無錯 是我 彼首歌