下晡的ワルツ

作詞：謝銘祐     作曲：謝銘祐

下晡的門口埕 日頭當落山
ラジオ傳來ワルツ的歌

你不時拭著汗 無閒咧收衫
我偷偷向你行倚 招你碰恰恰

莫佇遐閃 莫佇遐避 即媠的光線
來一二三 來踅箍仔 為咱奏的歌
二个無煩無惱少年人轉來啦! 時鐘無行啦!
對生活偷一寡仔快活
啦啦啦 啦啦啦

下晡的門口埕 有蝴蝶二隻
咱繼續跳 毋管伊 規塗跤的衫

你急欲展功夫 拐著我的跤
邊仔煞傳出笑聲 月娘出來啦!
莫佇遐閃 莫佇遐避 即媠的光線
來一二三 來踅箍仔 為咱奏的歌
二个無煩無惱少年人轉來啦! 時鐘無行啦!
對生活偷一寡仔快活
啦啦啦 啦啦啦


下晡的門口埕 有蝴蝶二隻
咱繼續跳 毋管伊ワルツ是啥?