鳳凰花飛啊飛

作詞：謝銘祐     作曲：謝銘祐

直直的身軀翅仔葉 紅紅的花蕊火在燒
陪阮大漢唱驪歌 看汝細漢賴賴趖

日頭若越大伊越愛 咱坐佇樹跤等風來
汝若有閒來台南 伊徛佇路邊排規排

一個城市會當藏若濟夢? 一欉樹仔會當陪幾代人?

鳳凰花飛阿飛汝欲共阮帶去佗 紅若火 一著起來熱袂退
鳳凰花飛啊飛汝欲共阮帶去佗 紅的雪 佇阮夢中硞硞綴


一個城市會當藏若濟夢? 一欉樹仔會當陪幾代人?

鳳凰花飛阿飛汝欲共阮帶去佗 紅若火 一著起來熱袂退
鳳凰花飛啊飛汝欲共阮帶去佗 紅的雪 佇阮夢中硞硞綴