歌曲

老城門

試聽 聽全曲

作詞:謝銘祐     作曲:謝銘祐



到底幾百年 若感覺目一下睨 東南西北門 阮的名字
鬧熱的鑼鼓聲 嘛響起流行歌 踅佇阮拄才補好的厝瓦
運河慢慢流 流過春夏秋冬的岸 阮坐佇這顧城
迎新又去舊 是好歹也過一年 舉頭還是十六的月較圓
出入攏平安 是美醜好額散 二扇門 拍開的未來 真遠

禿額的石敢當 有肉臊香的風 黃昏的無尾巷 惦惦無聲
城市換新衫 大樓擠走稻埕 出外的人最驚拍無見心肝
褪色的門板 總有人又來漆紅紅 阮猶佇這顧城
點啊點叮噹 天公伯仔慢慢啊點 要走要留半點不由人
日頭落又起 是時間的掌中戲 二扇門 再會又團圓 創治

媽祖保庇哦 觀音媽保庇哦
土地公保庇哦 天上眾神保庇哦

砲仔響上天 向望來年又豐年 歡喜就去愛 愛不著嘛歡喜
門關門又開 等五更雞就啼 二扇門 一年又一年 日子