火箭阿伯

作詞：     作曲：

伊是密西根大學博士
交大教冊 伊的一生
像自找麻煩的故事
將無可能任務進行
伊一心欲為台灣射火箭
逐家聽到講伊悾氣
五月天的頑固mv
彼故事就是佇講伊
伊做的火箭 真空比衝值世界第一的
但實際 經費講實話
干焦有人的0.1倍
伊嘛是無想過撤退
一路竹蒿鬥菜刀摧落
伊講台灣予𪜶這幾个
阿伯做夢機會
伊嘛欲予台灣做夢機會
伊帶～領
一陣宅男大叔佮世界車～拼
袂驚惶 大～膽
欲來打造台版NA～SA—TASA
伊的火箭你共～看
足昌～颺
台語發音(閉口)火箭佮客話發音Fo-chien印佇火箭殼仔
真正趴(上大下卯)
發射台佇蚵仔殼頂
這咱台灣特殊風景
邊仔閣有花鮡蟳仔寄生仔
當地看鬧熱鄉親
5、4、3、2、1
柑仔色火箭飛上～天
現此～時
台灣太空夢嘛予伊 射出去
台灣這馬其實是一个渾沌不明
而且佇產業界其實是代工觀念為主
予家己無自信心
我想阮這陣中年阿伯應該做一寡無仝的代誌
阮這陣中年阿伯𪜶足大膽誒
就是講阮欲家己做阮家己的火箭
送阮家己的衛星 進入地球的軌道
阮所有的物件 無論是百分之百
真正 百分之百MIT
摩根士丹利若是正確
佇未來二十年之間
太空產業產值一冬
是1兆一千億美元
看美國太空旅行偌夯
人一張票七百偌萬
咱系統仝 成本大降
台灣火箭俗閣大碗 讚
台灣倚赤道自轉tsū-tsuán緊射火箭足需要
是科技島人才足𠢕
技術有夠 有所有的死人骨頭
咱煞逐回共十億開站tam(閉口)
請美國射衛星這不妙
咱一定愛脫離代工
做出系統才會當出頭
登月予美國科技超～級
大步出力的向前跳
防火衫氣墊鞋泡～麵
青菜包電腦鼠chi電腦
攏發明佇太空競賽的前後
美國人是真巧真𠢕
就是發展太空之後
靠這招變世界科技𤆬頭
做火箭愛2萬个零件
有十幾个領域líng-hi̍k愛處理
數學機械物理電機佮
化工通訊是無所不至
做火箭予上盡磅人才
技術全部做一改升級
火箭是肉粽頭 有一擺
把產業鏈𤆬起的能力
逐家攏認道台灣佮太空是絕緣
我定定咧共學生講 你頭殼攑起來 台灣就看袂著了
台灣頂懸是無限的空間
台灣其實創造了阮這陣中年阿伯的未來
阮這群中年阿伯欲盡阮上大的力量
欲創造台灣光明的未來
上尾仔 我欲共各位宣告 就是
阮絕對無欲放棄 欲離開地球就著
伊這个人 真正就像彼首頑固
像伊就是刁工欲站(tam)
ted用台語來做演講
欲韓扣為台語出一口氣的反抗
證明語言地位攏親像灶跤 菜市仔的話嘛會當
說明複雜太空科學,
這回伊欲證明的彼是愈大步
射火箭呢 咱敢有法度
想欲飛但敢會曉行路
台灣敢有到彼个趴數
免一直 SWOT分析
做就著啊 伊太衝
對像沖天炮到將時準備
衝出亞洲衝太空
遮火箭代表
台灣毋捌 數想 的宇宙ú-diū
予保守 傷久 愛顧慮
傷龜的咱 有做夢勇氣佮才調
若台灣這次 含家己親手
做火箭射火箭攏做會到
未來你想 啥袂當應付
台灣閣有啥米是做袂到
你頂改攑頭看天彼是何時啊
你閣會記嗎？
來咱做伙攑頭看星
你夢想是啥 益閣有堅持嗎？
莫逃避 拚予贏
火箭阿伯佮你作伴
管待彼笑聲 擊予行
欲離開地球就著了