父母心

作詞：黃越靖     作曲：陳秋山

父母疼子親像長流水 永遠永遠斷袜離
操心扒腹甲你晟 青春歲月伴你行
驚你寒 驚你跋 驚你大漢歹生活
囝啊囝 阮無望你啥 只要你知影 阮愛你是無條件

樹大分枝散葉是自然 等你成家立業有發展
無奈時機不如意 你像陀螺踅日也踅暝
望天保庇你順序 我會毋甘 恬恬思念你
囝啊囝 三頓就愛食 身體愛勇健 未來的路咱就勻勻仔行

囝兒有孝可比樹尾搖 風若無吹 較久嘛等無
雖然頭毛喙鬚白 感覺日子賰無濟
想欲開喙叫你陪 哽踮喉嚨講無話
囝啊囝 阮也無怨嘆 只要你平安 是阮這世人最大的願望