陳永淘
作詞：陳永淘 作曲：陳永淘
南門崁下牛眼樹頂的蟬仔歸日叫嚷嚷
阿山頭每日掌牛苦楝樹下盹目睡
恩兜猴子遠遠看到佢就罵佢
阿山頭東邊出日頭西邊渡船頭
生的賴仔沒骨頭
頭擺的事情 頭擺 你還記得嗎
頭擺的事情 頭擺 你還記得嗎
走呀走快快走 該係被佢煞到就死沒命
大家皮爬亟蹶 踵上跌落 伏到一身湳溝糜
阿山頭目睡摸瞎 喝喝咄咄 飆起來追恩裡
該猴子一下瀉到沒半個 才看到牛牯也打落
阿山頭的牛牯打落 飆來飆去飆到渡船頭
該牛牯沒落潭肚搞水歡喜樂暢不回頭
阿山頭打盡朘 嘴開開笑到歪歪的嘴角像牛角
佢泅上沒下挑挑去摸該旅社來搞水的細妹的奶姑頭
頭擺的事情 頭擺 你還記得嗎
頭擺的事情 頭擺 你還記得嗎
打赤腳長爛疤 細人個個拈蛇打蛙 曬到長臭頭
該芭仔食到屙硬屎 灌土狗 控蕃薯 滑臭屁
蝦公毛蟹鯽魚溪哥河壩盡多不使愁
該鵝仔會啾人 大家捻朘抑脝 走到尾瀉屎
漞蜆的時節恩裡衫褲脫棹涼涼打盡朘
好得不是漞螺貝 該不賭好夾到就阿姆哀
阿姆哀羊公入孔沒盼到會拔到大水蛇
害捱嚇到打光邁屁股壓死一隻瞎眼跛腳的老蝦蟆
頭擺的事情 頭擺 你還記得嗎
頭擺的事情 頭擺 你還記得嗎