平安

往事吹入窗 染天邊半爿紅 像你的面容 有燒酒芳
一抱白頭鬃 笑青春風搖帆 恩恩怨怨 故事講袂完
情路路茫茫 誰知愛彼呢難 春暉恩情重 花離枝夢猶原
上溫暖的溫暖 我將你牽緊緊 晟養我到大漢 總是無簡單
上希望的希望 你我幸福滿滿 陪伴你 就是阮的夢
世事盡悲歡 不平凡是平凡 人生看乎透 像燒酒矸
恨愛會循環 酒一杯敬雙人 恩恩怨怨 隨在人流傳
緣分免為難 看開就是浪漫 無論好額散 最公平是時間
上溫暖的溫暖 我將你牽緊緊 陪你懷念過去 笑看人世間
上希望的希望 你我幸福滿滿 陪伴你 就是阮的夢
一家人 一直到永遠
上溫暖的溫暖 我將你牽緊緊 望天替咱保庇 一切照心願
上希望的希望 只要兩字平安 陪伴你 就是阮的夢
一家人 一直到永遠