張涵雅 (Hanya)
我來獻唱一首歌 guá lâi hiàn-tshiùnn tsi̍t-siú kua
希望你會當知影 hi-bāng lí ē-tàng tsai-iánn
暗路中 àm-lōo tiong
有啥人通依倚 ū siánn-lâng thang i-uá
茫茫渺渺 bông-bông-biáu-biáu
揣袂著岸 tshuē buē tio̍h huānn
吹來一陣風飛沙 tshue lâi tsi̍t-tsūn hong-pue-sua
無情戲弄 bô-tsîng hì-lāng
阮無光線的生活 gún bô kng-suànn ê sing-ua̍h
我來獻唱這首歌 guá lâi hiàn-tshiùnn tsit siú kua
希望你會當來聽 hi-bāng lí ē-tàng lâi thiann
免驚惶 bián kiann-hiânn
阮用歌陪你行 gún iōng kua puê lí kiânn
溫暖的心 un-luán ê sim
分擔你的憂愁 hun-tam lí ê iu-tshiû
陪你揣著人生的希望 puê lí tshuē-tio̍h jîn-sing ê hi-bāng
請你毋通來放手 tshiánn lí m̄-thang lâi pàng-tshiú
換做一場空 uānn-tsuè tsi̍t-tiûnn khang
這个世界有春夏秋冬 tsit ê sè-kài ū tshun-hā tshiu-tang
美麗的花欉會閣再紅 bí-lē ê hue-tsâng ē koh-tsài âng
人生的路 jîn-sing ê lōo
咱乘風破浪 lán sîng-hong phò-lōng
耐心等待成功回航 nāi-sim tán-thāi sîng-kong huê-hâng
這个世界有美夢 tsit ê sè-kài ū bí-bāng
用咱的雙手來拚輸贏 iōng lán ê siang-tshiú lâi piànn-su-iânn
總有一工咱的家 tsóng ū tsi̍t-kang lán ê ke
咱的向望 lán ê ǹg-bāng
幸福滿滿 hīng-hok buán-buán
我來獻唱這首歌 guá lâi hiàn-tshiùnn tsit siú kua
希望你會當來聽 hi-bāng lí ē-tàng lâi thiann
免驚惶 bián kiann-hiânn
阮用歌陪你行 gún iōng kua puê lí kiânn
溫暖的心 un-luán ê sim
分擔你的憂愁 hun-tam lí ê iu-tshiû
陪你揣著人生的希望 puê lí tshuē-tio̍h jîn-sing ê hi-bāng
請你毋通來放手 tshiánn lí m̄-thang lâi pàng-tshiú
換做一場空 uānn-tsuè tsi̍t-tiûnn khang
這个世界有春夏秋冬 tsit ê sè-kài ū tshun-hā tshiu-tang
美麗的花欉會閣再紅 bí-lē ê hue-tsâng ē koh-tsài âng
人生的路 jîn-sing ê lōo
咱乘風破浪 lán sîng-hong phò-lōng
耐心等待成功回航 nāi-sim tán-thāi sîng-kong huê-hâng
這个世界有美夢 tsit ê sè-kài ū bí-bāng
用咱的雙手來拚輸贏 iōng lán ê siang-tshiú lâi piànn-su-iânn
總有一工咱的家 tsóng ū tsi̍t-kang lán ê ke
咱的向望 lán ê ǹg-bāng
幸福滿滿 hīng-hok buán-buán
哦~~哦~~
這个世界有春夏秋冬 tsit ê sè-kài ū tshun-hā tshiu-tang
美麗的花欉會閣再紅 bí-lē ê hue-tsâng ē koh-tsài âng
人生的路 jîn-sing ê lōo
咱乘風破浪 lán sîng-hong phò-lōng
耐心等待成功回航 nāi-sim tán-thāi sîng-kong huê-hâng
這个世界有美夢 tsit ê sè-kài ū bí-bāng
用咱的雙手來拚輸贏 iōng lán ê siang-tshiú lâi piànn-su-iânn
總有一工咱的家 tsóng ū tsi̍t-kang lán ê ke
咱的向望 lán ê ǹg-bāng
幸福滿滿 hīng-hok buán-buán