歌曲

噶瑪蘭的風吹飛懸懸(寧靜平原)

試聽 聽全曲

作詞:楊肅浩     作曲:楊肅浩


編曲:羅大惟、楊肅浩
監製:楊肅浩

幾代人 守佇無聲的平原
行過九彎十八拐 戇戇仔轉趁

稻草人 你抑閣佇遮等
人講都市好賺食 阮欲離開遮

當時翅仔葉嘛會飄落山 落佇當欲離港的船隻
嘛知影 阿嬤的白頭鬃猶佇遐

噶瑪蘭的風吹飛懸懸 少年的夢 抑閣賰幾項
彼年佇田岸的囡仔伴 有幾个猶佇遐
噶瑪蘭的風吹飛懸懸 遮的查某囡仔嘛真媠款
東北風吹著退色門板 伊佇望啊望

都市人 厝起佇故鄉的平原
行過冬山河的岸 講後花園佇遮
路那行 人愈濟就愈驚惶
雨水一暝落袂煞 思念吹袂焦

毋管逐年的風颱做偌大 龜山的烏雲到尾總會散
起落的海湧矣 你教阮就愛擔輸贏

噶瑪蘭的風吹飛懸懸 一條溪水 藏著偌濟夢
流啊流過青春的小巷 情歌唱袂完
噶瑪蘭的風吹飛懸懸 飛入夢中 走揣流浪的人
船離港嘛已經幾落冬 阮閣望啊望 望啊望

噶瑪蘭的風吹飛懸懸 一條溪水 藏著偌濟夢
流啊流過青春的小巷 情歌唱袂完
噶瑪蘭的風吹飛懸懸 飛入夢中 走揣流浪的人
船離港嘛已經幾落冬 阮閣望啊望