楊肅浩
作詞：楊肅浩 作曲：楊肅浩
編曲：董運昌
監製：董運昌
細漢有時 聽著人咧講起伊
幾張相片 煞毋知伊佇佗位
嘛有一年 伊寄來一條圍巾
佮一張卡片 寫著平安 大漢順序
一字一字寫著我的名字
一日一日無閣看過伊
經過幾若年 阮嘛真拍拼認真 煞袂赴等著伊 驕傲的面
有時 嘛會雄雄想著伊 佇成長的過程 漸漸慣勢
有時風吹起 漸漸燒熱的三月天 上山看伊 沿途的花開媠媠
行過身邊 幾個女朋友攏成伊
目睭大大蕊 嘛有倔強的個性
一字一字寫著思念的詩
一日一日漸漸無要緊
四界走傱這幾年 停落來過的生日 總希望我是伊 上驕傲的畫面
有時嘛會偷偷仔想著伊 佇恬恬一个人的眠床頂
有時看家己 有淡薄仔生份甲熟悉 花謝花開 彼段悲傷已經過去
有時嘛會無注意放袂記 多謝成長的過程 予我獨立
有時行轉去 逐年燒熱的三月天 山路敧敧 伊是上深的秘密
藏佇心內面 一句媽媽 我想你