楊肅浩
作詞：楊肅浩 作曲：楊肅浩、羅大惟
編曲：羅大惟
監製：董運昌
火車若過石城 海是啥人的 龜山島替咱寫一張批
交予攑雨傘騎車的少年 沿著長長的田岸 到厝內底
東北風輕輕吹 雨來滴垂 台九線彎彎像一張批
序大巡田水巡甲頭鬃白 定定想少年時 煩惱囡仔愛註冊
囡仔一个一个出社會 靴管穿咧煞驚歹勢
分袂清外地來的 抑是厝邊頭尾
看板寫著有幾坪 欲賣偌濟
田園恬恬毋講話 咱是予伊飼大的序細
稻米豐收頭犁犁 換來頓著印仔的厝契
田園目屎流偌濟 晟養過偌濟人家
等無春天的新穎發芽 紅紅的印色
是伊心肝流的血
真濟農地變更做建地 煞落農舍起了煞無人買
分袂清是伊的 是啥人的
煞夢著彼條變色的蘭陽溪
田園恬恬毋講話 咱是予伊飼大的序細
稻米豐收頭犁犁 換來頓著印仔的厝契
田園目屎流偌濟 晟養過偌濟人家
等無春天的新穎發芽 紅紅的印色
是伊心肝流的血
東北風 溫柔吹過 聽著淺淺的田水咧講一句話
講留袂牢家伙 真正狼狽 將伊拍拚的身軀 提去賣