你的街路

就到遮咱袂當行仝路 其實早就想著結果
可能你有你的苦衷 可能開始就是一段錯誤

想欲做陣迒過阻擋 行過起落的幻想
展開你的地圖 佗位行向未來揣攏無
無仝款的方向 踏著勉強的跤步 袂當閣繼續

喔 予你最後一个笑容
喔 免煩惱我會艱苦
佇你選擇的路 你熟似的街路 你清楚 我迷茫
喔 我會祝你一路順風
喔 就算註定愛寂寞
你行你的街路 已經袂閣相逢

就到遮莫閣假做堅強 生袂出的花攏只是落葉
可能這是上好的結果 可能猶咧向望無遐爾戇

閣一改 看你笑 看你戇
你踏著袂扭掠的跤步 行佇你的地圖 堅持你的街路
我捎無你的街路

行袂著的街路 敢是我的幸福

喔 予你最後一个笑容
喔 免煩惱我袂艱苦
佇你選擇的路 你熟似的街路 你迷茫 我清楚
喔 我會祝你一路順風
喔 就算註定愛寂寞
你行你的街路 已經袂閣相逢

上驚你的街路