美麗新世界

作詞：朱良哲/朱約信     作曲：豬

若講著食 咱台灣穩當排第一 全世界的山珍海味 欲食免驚找無位
毋免大飯店 路邊青采滿滿是 汝無看嘿〔泰國滇緬越南餐廳〕一間一間開
IR FRIDAY'S〔雙聖〕世界級的精舒勢
無嘛〔有麥當勞肯德基德州哈帝溫蒂〕
若傷無聊試一咧〔巴西窯烤〕來搵蛙殺米
三更半暝睏昧去〔京星吉野家〕攏可以

當然咱遮差不多攏平凡老百姓 阿有躺不時食遐好開遐濟錢
若嘿啥麼正港台灣料理大餐廳嘛真貴
夜市仔罔去無著菜市仔買返來家己煮
清采買清采煮清采食清采肥 無代無誌煞食出〔民生大問題〕
哀哦 么壽死囝仔澎肚短命傷天害理 是講著吃遐久阿 敢有要緊

此咧社會自由自在 欲食啥貨作汝來
做汝來來作歹代 建設美麗新世界
茲是美麗新世界 趁錢毋免照步來
有錢有勢尚厲害 跤踏實地憨大呆

魯肉飯著用病死豬 順煞閣有彼落〔鎘米〕
土殺蝴溜攏嘛鬥五金 〔金銀銅鐵汞鉛錫〕
蚵仔全是〔綠牡蠣〕蕃麥攏嘛〔黃毒玉米〕
葡萄著用〔四氯丹〕來給飼 無要緊 咱已經食出〔抗體〕昧死昧死

茲是美麗新世界 趁錢毋免照步來
有錢有勢尚厲害 跤踏實地憨大呆

死豬仔死豬仔掠來殺〔鎘米 鎘米〕罔栽阿罔栽
五金魚橫直汝也看昧出來 綠牡蠣顧身材
〔毒玉米〕項無飼豬嘛會駛〔四氯丹葡萄〕攏嘛去予人陷害
〔大鈔大鈔〕一直入來 予我騙毋知 到擔汝即知

政府機關來鬥相工 大官博士來鬥幫忙
電視報紙是吵死人 百姓逐家聽甲茫茫
反正茲著是咱的台灣 出啥麼代誌攏無人管
逐家著斟酌來給選 食著死豬仔免怨嘆

P：喂腹肚枵啊 叫便當哦
Q：欲叫啥
P：排骨飯啦
Q：昧駛 有死豬仔肉
P：阿無〔牛楠飯〕
Q：昧駛 有的牛攏灌水 死了真歹看 目睭攏爆出來
P：哀額 阿無雞腿飯啦
Q：昧駛 雞肉有彼囉〔瘟雞〕
P：昧啦 今仔報紙寫講 死雞仔連瞇著硬去啦 無可能撒去賣啦 安啦
Q：好啦 雞腿飯 幾個...
P：等咧 等咧 叫伊麥放蕃麥落去 青菜...嘛免...放一寡〔紅蘿伯〕佮豆仔嘛好 嘿卡 卡無問題啦

反正嘛已經食四十外年 阮已經練成百毒不侵之身
食昧死毒昧死
作汝來無要緊