謝銘祐 (Hsieh Ming-Yo)
住一暫仔, 著有無仝的人入來, 較無力的族群, 著愛閃去較無好生活的所在, 幾百年來, 紛紛擾擾, 爭戰無數, 表面融合, 實者各自按算…, 因著一寡錯誤的政治判斷, 甚至失去佇即个世界的身份, 有的是一个無法度大聲喝出來的名字--台灣。
即首歌, 是寫來欲獻予曾經為著即座島嶼犧牲、奉獻、為他, 甚至用伊的一生去爭取台灣予世界看著的人, 無分族群, 無分國家, 即寡人將即塊土地視為母親, 將邊仔做伙生活的人當做親人。
勞力, 將阮送來到遮, 誠感謝! 未來猶閣茫茫霧霧, 阮會頂真, 阮會繼續拚, 予未來的路好行!